泰瀾鑊 (朗壹廣場)

營業中

休息中

晏晝唔知食咩好，於是同屋企人落咗嚟樓下呢間《泰瀾鑊》食飯，叫咗兩個飯一個麵和一個沙律。先黎個開胃菜🍊柚子鮮蝦沙律🦐，份量超大份，材料有足夠，整個沙律充滿水份，酸甜香辣多種味道好有層次。超嫩滑海南雞飯，我唔怕肥，雞皮先係精華，雞皮又爽又滑，雞肉柔嫩又鮮甜，一口雞再一口黃油飯，好味到要嗌出嚟！肥牛超多嘅肥牛船粉，除咗肥牛，仲有香脆嘅炸豬皮和爽脆嘅通菜，非常豐富嘅一碗船粉。船粉湯底清甜足味。好好味！香辣濃郁青咖喱燒雞扒飯，青咖喱有陣好香嘅香草味，配上肉厚多汁嘅燒雞扒，非常地夾，每一啖都有青咖喱嘅香味，風味十足！