紐約客 (已結業)

平時好少過荃灣，係間中到那邊工作先會一去。經過有家從裝璜上看上去很有美國感覺的餐廳，New York Diner, 為荃新天地新開的餐廳。連個名都咁美國，去試一試先。餐廳的環境好有美國風情，menu都係中英對照。陳設都好有外國的感覺呢，讚！波士頓龍蝦漢堡 ($178)第一次食龍蝦同Burger cross-over. 龍蝦雖不太大隻，不過已經起肉，啖啖肉。調味不用太多就食到龍蝦的鮮，同Burger一齊食係一個好新的嘗試！跟餐的nachos配微熱的蕃茄他他汁，感覺惹味！龍蝦頭都好有霸氣！欖油蒜片鮮蝦炒扁意粉 這個炒得香口，扁意粉有好香蒜味，加入好多椒類炒，有獲氣！海洋梳打 ($38)見個色已經好靚，好清徹，夏天飲都不錯，味道方面飲落係梳打加七喜，唔會好甜，加埋耶果同少少藍莓，解渴得黎又好有咬口呢！陽光下生長的朱古力 (熱朱古力, $36)很可愛的一個飲品，用oreo扮盆栽的泥，謀殺相機就一流，溝埋有點榛子味的朱古力又幾夾喎。不過飲到底有點甜。