影片
更多
2015-05-20
1042 瀏覽
與男友到北角搵食，四處睇下有無新野試，見到有間餐廳食潮州菜裝修都幾靚，而且好少潮州菜有咁好地方又坐得舒服，仲要係北角地鐵站出口隔離，勁方便。呢間都幾多菜色選擇，有D我都未試過，唔似平時潮州打冷來來去去都係食果幾樣。我地總共叫六樣菜 - 冰鎮花雕鮑魚、花雕醉鵝肝、潮州凍烏頭、卥水鵝片、蠔仔肉碎粥、老火靚湯。冰鎮花雕鮑魚 - 我未見過潮州打冷有呢樣野食，所以好奇叫黎試下。一上桌擺盤都幾靚，但心諗成隻鮑魚都唔細，點食好呢~點知一夾，原來師傅已經切好晒一片片，但擺返好似原隻鮑魚咁，真係好好心機。再講味道簡直一流，花雕味不會過重，而且隻鮑魚完全入晒味，味道唔會流於表面，而且杞子又帶出花雕的香味，作為一道冷盤，簡直超水準。好吃到我停唔到口仲要偷埋男友果份黎食。花雕醉鵝肝 - 又係一樣未試過的潮州菜色。花雕味好突出但鵝肝口感稍硬。潮州凍烏頭 - 因為我地兩個都鐘意食魚，所以得兩條友都叫左條烏頭食。果然無叫錯，因為條魚真係超級好食，而且魚肉肉質非常嫩滑，條魚又肥又大條，仲勁多魚油，證明條魚夠晒肥美，好正~除左平時食開的豆醬，佢地仲有提供一隻酸酸甜甜的醬汁，D魚肉點埋呢個醬一齊食勁開胃，搞到我地兩個人都
呢間都幾多菜色選擇，有D我都未試過，唔似平時潮州打冷來來去去都係食果幾樣。我地總共叫六樣菜 - 冰鎮花雕鮑魚、花雕醉鵝肝、潮州凍烏頭、卥水鵝片、蠔仔肉碎粥、老火靚湯。
冰鎮花雕鮑魚 - 我未見過潮州打冷有呢樣野食，所以好奇叫黎試下。一上桌擺盤都幾靚，但心諗成隻鮑魚都唔細，點食好呢~點知一夾，原來師傅已經切好晒一片片，但擺返好似原隻鮑魚咁，真係好好心機。再講味道簡直一流，花雕味不會過重，而且隻鮑魚完全入晒味，味道唔會流於表面，而且杞子又帶出花雕的香味，作為一道冷盤，簡直超水準。好吃到我停唔到口仲要偷埋男友果份黎食。
花雕醉鵝肝 - 又係一樣未試過的潮州菜色。花雕味好突出但鵝肝口感稍硬。
潮州凍烏頭 - 因為我地兩個都鐘意食魚，所以得兩條友都叫左條烏頭食。果然無叫錯，因為條魚真係超級好食，而且魚肉肉質非常嫩滑，條魚又肥又大條，仲勁多魚油，證明條魚夠晒肥美，好正~除左平時食開的豆醬，佢地仲有提供一隻酸酸甜甜的醬汁，D魚肉點埋呢個醬一齊食勁開胃，搞到我地兩個人都忍唔住清晒成條魚，一D肉都無剩。(P.S. 條魚應該夠4個人食~~)
卥水鵝片 - 傳統潮州菜色，亦係每間潮州菜館的招牌。呢間的卥水頗得我歡心，因為一般的卥水都過咸而且鵝片肉質都有點硬。呢間卥水味道醇厚而且鵝片吸收晒卥水的精華又不會過咸，最重要是師傅刀非常好，每片鵝片都厚薄適中而肉質頗為嫩滑。
蠔仔肉碎粥 - 用料相當新鮮，食得到蠔仔的鮮味而且粥內添加冬菜，味道更加提升。可能我本人重口味，覺得加少少鹽會好食D，但我男友話味道剛剛好，可能每人口味不同吧~
粉葛眉豆豬骨湯- 食完咁多野，明明飽到死，睇人地隔離桌碗湯好似幾好飲，我呢個湯怪又叫左碗老火湯飲，老闆話無味精架~~一飲果然無味精，完全係飲到材料本身的鮮甜，而且用料相當十足。正!
如果我地兩個唔係大食怪，成餐應該2百幾蚊都得。但叫左太多野，搞到4百幾蚊落樓~~
不過，堅好食~~
題外話/補充資料：
問過老闆原來大部分師傅都係佳X娜過黎，唔怪得之D野咁好食啦~~
(以上食評乃用戶個人意見 , 並不代表OpenRice之觀點。)
張貼
