樂天皇朝 (利舞臺廣場) (已搬遷) 新店位置

蘿蔔絲酥餅酥餅皮好鬆脆，足料蘿蔔絲，新鮮炸起熱辣辣，亦唔係好油。京醬肉絲，鍾意佢配既餅皮，好似北京填鴨嗰隻!肉絲醬汁調味香濃，唔洗加其他野，就咁用餅皮包肉絲已經好食！️招牌原味小籠包，每枱都有浙江醋同薑絲，客人可自行調汁。又係新鮮蒸好，湯汁相當多，肉汁幾香濃，真係次次黎都必點！蔥油餅，好香蔥味同埋好多蔥好惹味，如果個皮冇咁油就更好，但係酥皮係好多層，一咬超鬆化，唔覺唔覺就食晒!菜肉雲吞豬骨湯，個湯飲晒成個湯都冇口乾好濃郁，雲吞個皮好滑。我地最後冇叫面但都食到好飽好滿足!7點黎到已經好多人食緊，好在餐廳地方夠大夠多枱，卡位環境坐得舒服又高私隱度。