老點點心缽仔飯 (已結業)

冰梅豬手飯好美味！個汁做到啱啱好，個甜度校得好適中，豬手個質地都係好好，夠唸但又有咬口！啲汁用來撈飯真係好正呀！ 蝦餃個皮係做得有d軟嘅，但係啲蝦好爽好滑！＄18真係好抵食 黑魚子燒賣一啲都唔馬虎，裡面超級足料，好多蝦好少肥豬肉！黑魚子感覺更歞矜貴 炸茄子食得出係新鮮炸嘅，唔會好似茶樓咁翻炸就唔好味，外脆內軟！個芡做得杰左少少 響玲腸不愧係招牌菜，係幾特別嘅。腸粉好滑，響玲好脆，而且加埋入面d肉嘅口感，3樣唔同嘅質地，好唔同又出奇的夾 百花釀魚肚呢個真係好好味，蝦客好彈牙，個汁又好鮮甜，魚肚唔腥又入味 白汁芝士雞批係幾足料架真係食到入面一舊舊雞，不過冇乜特別喎，芝士唔係特別香，個批皮都做得麻麻，勝在外表好睇