麵道 (已結業)

之前食過佢雞湯拉麵，好驚艶，今日見出左新款開運雙牛拉麵（$128），主打和牛，今年牛年梗係要支持下！見到和牛雪花好靚，油脂均衡😍😍，湯係另一個容器度另上，店員會幫你倒落去，因為啲湯夠晒滾熱辣，啲和牛即刻熟之餘，又保持鮮嫩口感，試吓湯底先，係好清甜既牛味湯底！至於拉麵係比較粗闊，食落煙韌有口感。特盛叉燒溏心蛋伊勢海老豚骨湯拉麵（$100）呢款拉麵就幼身同軟淋啲，湯底味道都比較濃烈，微辣。叉燒肥瘦均勻，仲有個蛋香濃郁既減心蛋！試埋小食炸雞跟啤酒，炸雞整得幾出色，食質保持鮮嫩同juicy,好味😋