影片
更多
2024-05-10
33 瀏覽
大角咀一向都多美食，今日同老公去咗鐵樹街地舖一間隱世石燒《石一燒》，大角咀係其中一間分店，我哋嗌咗一個極上和牛盛會の2人前套餐$698，套餐選用嘅牛肉質素性價比高而且份量都好夠，呢個價錢享受到三款唔同高質素嘅牛肉，餐廳店員親民有禮貌，絕對值得一試食石燒飲返杯冰凍啤酒🍻簡直係絕配，餐廳有個活動「免費飲ORION 啤酒」，見到有呢個活動我哋當然要即刻挑戰下，遊戲規則係只要在7秒（男士） 9秒（女士）内飲完一杯350mL啤酒，就可以免費飲ORION 啤酒啦🍻！老公挑戰成功餐廳即刻送多杯俾佢做獎品🎉🩵 極上和牛盛會の2人前 🩵《前菜（三品）》🥢帶子裙邊帶子裙邊滑嘟嘟有咬口，帶有淡淡鮮甜味🥢燒番薯外皮焦香，內裡軟糯，帶有淡淡焦糖味🥢日式餃子外皮炸得金黃酥脆，外脆內軟💛整體而言，呢三款小食都非常出色，各有其獨特嘅風味同質感🥢沙律沙律菜加咗胡麻醬而且份量大又豐富🥢樱花蝦味噲湯味噌湯汁清澈，面頭鋪左滿滿嘅櫻花蝦，魚湯嘅味道調較得啱啱好，唔同平時飲到好鹹嘅味噌湯，而且上面嘅櫻花蝦令到整個味噌湯提鮮之餘仲有櫻花蝦嘅鹹香味，飲落去令人好舒服🥢菇盛會有兩款菇，而且本身牛嘅油脂豐富，喺石燒上面牛嘅油脂釋出之後再
食石燒飲返杯冰凍啤酒🍻簡直係絕配，餐廳有個活動「免費飲ORION 啤酒」，見到有呢個活動我哋當然要即刻挑戰下，遊戲規則係只要在7秒（男士） 9秒（女士）内飲完一杯350mL啤酒，就可以免費飲ORION 啤酒啦🍻！老公挑戰成功餐廳即刻送多杯俾佢做獎品🎉
🩵 極上和牛盛會の2人前 🩵
《前菜（三品）》
🥢帶子裙邊
帶子裙邊滑嘟嘟有咬口，帶有淡淡鮮甜味
🥢燒番薯
外皮焦香，內裡軟糯，帶有淡淡焦糖味
🥢日式餃子
外皮炸得金黃酥脆，外脆內軟
💛整體而言，呢三款小食都非常出色，各有其獨特嘅風味同質感
🥢沙律
沙律菜加咗胡麻醬而且份量大又豐富
🥢樱花蝦味噲湯
味噌湯汁清澈，面頭鋪左滿滿嘅櫻花蝦，魚湯嘅味道調較得啱啱好，唔同平時飲到好鹹嘅味噌湯，而且上面嘅櫻花蝦令到整個味噌湯提鮮之餘仲有櫻花蝦嘅鹹香味，飲落去令人好舒服
🥢菇盛會
有兩款菇，而且本身牛嘅油脂豐富，喺石燒上面牛嘅油脂釋出之後再將啲菇放喺上邊，兩款菇燒完唔會乾噌噌仲吸收咗牛油嘅香味
🥢日本九州A4和牛三角胸
切割為三角形嘅A4和牛三角胸，食落有啲似牛扒粒，咬落軟熟得來有嚼勁但一啲都唔韌，仲帶有濃郁嘅牛味
🥢日本九州A4和牛上前腿肉
A4和牛上前腿肉肉質更加細嫩，牛肉呈現鮮粉紅色油花分佈均勻，比三個胸肉質更柔軟，食落仲感受到油花
🥢澳洲和牛封門柳
顏色呈現淡粉紅色，而且油花分布得最多，帶有微微甜味而且入口即化，簡直大滿足
💛整體而言，各有其獨特嘅魅力，無論係口感、味道定係質感都令人滿意，餐廳提供咗燒汁、鹽、自家製鹽配合牛肉，但係我個人認為三款牛都出色，淨係配鹽已經好好食，可以感受三款牛嘅原味道
🥢飯素
🍨日式甜品
張貼
