COMO Italian Restaurant & Bar (已結業)

今日去咗太安樓掃嘢食，原路行過海旁，蘇豪區附近有一系列嘅西餐廳！！！幾有情調，特別見到呢一間餐廳已經佈置埋萬聖節嘅裝飾！當晚嘅菜式叫左非常之多，而家介紹一下先！生蠔直接要咗半打，蠔身開得乾淨，肉質飽滿，而且並不單一化，海水味頗重，入口鮮甜帶礦物感。加泰羅尼亞龍蝦沙律呢個沙律完完全全突顯到龍蝦嘅鮮甜，沾上酸酸甜甜嘅醬汁，而且蝦肉預先起好，輕鬆食到啖啖肉，配上爽口嘅沙律菜、紫洋蔥、蕃茄仔，清新得來絕對係非常健康嘅小吃選擇大扇貝配魷魚墨汁扁意粉漆黑的墨魚汁，味道比起一般食到嘅更加濃稠，扇貝三大粒相當厚肉且夠鮮甜，魷魚🦑爽口，意粉口感軟硬適中。意式香辣肉腸薄餅熱辣辣上枱，批邊非常香脆，批底適中，咬落去好鬆軟，肉腸辣度好輕，澎湃嘅芝士融化成拉絲效果，建議一定要趁熱食返一件！烤魷魚魷魚烤得香口，口感非常爽彈，可以沾上檸檬汁，再點埋餐廳額外配上的醬汁同蕃茄粒，作為前菜而言，帶點酸甜非常開胃。烤羊架羊氈味不太重，肉質軟嫩，容易切開並且離骨。配上薄荷醬，中和返邊邊位的油膩感。自家製提拉米蘇飯後當然要有個甜品，分量雖小，不過咖啡味都幾出眾，濕潤度做得不錯。大家可以睇睇餐牌！