葵 (已結業)

葵，隱藏在尖東的日式雞湯拉麵館，店面不大，坐位不多，但卻有滿滿誠意。拉麵大碗料多，湯底濃厚，好好食。款式不算多，有四種不同的雞白湯底，分別系辣味噌拉麵，柚子雞白湯拉麵，野菜白湯拉麵。我地點左野菜白湯拉麵同柚子雞白湯拉麵，加左豬叉燒同糖心蛋。湯底原本已經有一隻糖心蛋同雞叉燒。所以相當滿足。柚子雞白湯有著濃濃的柚子香味，很清新，麵身好Q。糖心蛋冇得輸，十分流心，豬叉燒勁大塊，瘦而唔柴，肉很香。餐廳很貼心，為客人准備左調味的七味粉。另外發現呢度有好多日式飲品，我就揀左靜岡抹茶可樂，朋友就揀左富士山柚子梳打，味道很不錯！