甜悅

營業中

休息中

今日嚟咗呢間試業中嘅甜品店，主要嚟食佢哋嘅椰皇燉蛋白，冬天食暖笠笠真係好正。入到去原來仲有其他西式甜品，佢窩夫、cheesecake都有，就叫多一個富士山奶凍同埋火炙芝士蛋糕。個奶凍係藍色好特別，上面係咸嘅奶蓋，仲有一塊士多啤梨脆片添，相當igable 。個火炙芝士蛋糕面層係焦糖，入面芝士蛋糕質地接近溶化，以芝士蛋糕質素算係十分之高。佢哋個椰皇燉蛋白可以mix好多其他中式糖水，芝麻糊、桃膠都有。我就要咗杏仁茶。杏仁茶面仲有啲玫瑰花。個燉蛋白做得好滑，椰皇肉都好淋。mix杏仁茶真係非常非常之夾，一定要試。