心夜來潮 (已結業)

心思思想食潮汕砂鍋粥，咁岩係旺中附近，就上左心夜來潮～今次叫左小鍋（$210），餸有膏蟹、皮蛋同蟶子王。記得上次試左馬鯪魚丸，個口感好正，但好可惜今次佢話無貨皮蛋好大陣硫磺味，個人唔係咁中意。膏蟹就好正，煮到個粥好鮮甜，鮮雞件同蟶子王就不過不失～另外再食左醬鹵鵝腸（$58）同埋黃金蛋黃炒秋葵（$78），秋葵係每次黎都必點嘅菜，炒完之後秋葵裡面嘅黏液仍然係到，而今次係第一次試鹵鵝腸，好難咬，味道唔太討好，下次唔會再叫。