粗菜館

營業中

休息中

嚟到九龍城區，揀返間老字號食店試試呢間粗菜館已經營超過30年，連知名食家蔡灡先生都力推，兩個人食三餸一湯加個炒飯，非常滿足🥰老火例湯（西洋菜湯）每日限量20煲，好多客人一坐低就會落單叫定先。我哋去嘅嗰日係西洋菜湯，細細煲但用料十足，飲落有好香甜蜜棗味。招牌炒魚腩鯇魚腩先炸再炒，外面脆卜卜，但肉質依然鮮味。招牌炒豬雜用咗乳豬、中豬、大豬唔同部位，火喉十足越食越惹味。XO醬鮮蝦帶子炒西蘭花大大隻鮮蝦&帶子，加XO醬同西蘭花一齊炒，微辣又開胃。豬油渣炒飯呢個炒飯超正，好想想每啖飯都配上豬油渣一齊食。埋單$500左右，價錢公道，位置亦唔算難搵。