逸之燒 (已結業)

元朗出名多食野食,今次黎到想試下日本野~呢間逸之燒個門口好唔起眼,比較暗~裝潢都係比較傳統既日式小店~佢以日式串燒為主~menu~首先叫左個比較特別既: 豚肉芝士年糕串~ 外面既豚肉燒到脆脆地,而入面既芝士年糕就好軟滑、令到個口感有一個強烈既對比! 而已食落唔會好油膩! 而燒牛舌亦都一樣出色、唔會太韌, 而已保留到肉汁!燒蕃薯仔同埋廣島蠔: 正正常常啦,無咩特別!芝士焗啡菇! 焗得好令阿! 芝士味好香濃、而已啡菇唔會焗到太干,食到鮮味同芝士味, 又唔會比芝士味搶哂啡菇本身既味道!鵝肝多士! 多士都係好香脆~ 日式叉燒烏冬~ 叉燒尚算香軟可口、但湯底太清、烏冬太林、而已烏冬唔太掛到個湯......燒皇帝蟹膏!個賣相已經好令!先聲奪人阿!份量比我地想像中多,好似食緊一碗飯咁! 真材實料、好香既蟹黃味道、而已一D都唔腥。因為係燒既關係,佢仲有一朕好香既燒烤味道! 中間仲有小小蟹肉係入面! 正!油甘魚手卷。紫菜好脆,咬落去仲有卜卜聲、油甘魚都好重油香味~柚子雪葩! 嘩, 細細個咁,好得意wor! 出面個個真係完個柚子黎架, 誠意之作~佢口感好軟滑、充滿柚子味,食得出真係由柚子做出黎、而唔係加左