小魚兒 (富麗花園) (已結業)

呢排落雨天氣涼涼地，最岩食烤魚🐟咁多烤魚餐廳，小魚兒係我其中一間必食既餐廳！佢嘅爆醬鳳梨香辣豆花口味烤魚，真係令人驚艷！鮮嫩嘅海鱸魚，搭配上鳳梨同香辣豆花，味道酸辣甜香，每一口都係一個滋味的絕妙融合！真係令人回味無窮！食烤魚當然要講配料！小魚兒嘅配料真係多得驚人！本身條魚已配埋洋蔥、寬粉、青瓜、芽菜等，另外我地仲揀左手土豆、蓮藕片、金菇、海帶結、風琴豆腐，分量十足，每一樣都新鮮又好味！我最鍾意蓮藕片同土豆，好爽口😋😋食烤魚當然唔少得要叫飲品啦，唔好錯過嘅係佢哋嘅特色飲品：芒果乳酸爆珠梳打，芒果嘅香甜搭配爽口嘅乳酸爆珠，真係好清新！鹹檸七亦係一個值得一試嘅飲品！酸酸爽口，消暑又解渴！