圓圓小姐 (山東街) (已結業)

最近天氣又熱返少少，喺旺角行街見倒圓圓小姐，記得好耐之前幫趁過銅鑼灣店都唔錯，行到口渴就幫趁下。百香鳳梨優格($48) - 圓圓最出名係佢嘅真鮮果系列，標榜用真鮮果，同埋冰量係固定嘅，不過甜度就可以自己揀，我揀左少甜，甜度啱啱好。白色係Yogurt，下面有優格晶球，口感似啫哩煙煙韌韌咁，最面頭有百香果同鳳梨果蓉，酸酸甜甜咁好開胃解渴。芋泥ＱＱ鮮奶+嫩鮮草($41) - 本身只有芋泥同白珍珠，我另外加$5要左嫩仙草。芋泥鮮奶入面超多芋泥蓉，芋泥味香得黎又飽肚，總結，野飲雖然唔算特別平，不過好足料，唔會溝水溝到冇晒味。