春潤堂

營業中

休息中

有時行經深水埗大埔道，都會見到有間小店經常都坐無虛席，成日都會諗：究竟有咩咁好食？但一說要排隊我便怕怕。今次行經咁岩有位唔使等，咁好機會，唔試都對唔住自己啦！！因為第一次來，唔知食咩好，咁好自然都會望下其他人食咩，見到好多人都係食豬油渣麵，加上小店招牌大大隻字「秘製油渣麵」，於是就試了豬腸油渣韭菜麵同生菜魚肉湯。呢間小店既麵同油渣都是一起煮的，所以麵都吸收晒油渣的香味。而油渣有脆口感，豬腸就爽口，湯底就清香，每樣野都好爽。難怪時時都咁多人。而生菜魚肉就不過不失，味道唔算話好突出，保持一般水準。因為小店空間有限，所以都不要期望坐得很舒服，但為了食好野，迫迫地坐都無可厚非。