Small Potato Ice Creamery (已結業)

係銅鑼灣區食完晚飯，幾位女伴雖然話好飽，但係路過呢間裝修咁得意嘅鋪頭，都忍唔住入去食返個甜品先返屋企 。就咁睇個鋪頭名，同埋入面嘅裝修，都唔難發現呢間係食紫薯雪糕嘅。係云云咁多款甜品入面，我就揀左呢個紫薯三兄弟。本身嘅雪糕已經係紫薯味道，我呢杯仲加上紫薯蓉，同埋一顆甜美嘅紫薯，真係夠晒薯XD 而且雪糕上仲加上脆米，口感十足！！望落杯雪糕，感覺雖然好似好heavy咁, 但係其實只會有飽而不膩，可能係店主將紫薯三兄弟嘅份量調配得恰當，係品嚐軟雪糕嘅時候，加一匙滑嘟嘟嘅紫薯蓉，真係飯後最佳嘅甜品！！