杏甜品 (香檳大廈) (已結業)

喺附近食完晚飯意猶未盡就搵地方食糖水，之前黎哩度食過，甜品唔錯又坐得舒服，所以即刻諗起黎哩度。杏甜品出名食杏仁製品，不過佢都有其他甜品，最近就新出左個木蓮系列，所以我地都叫左碗黎試下。芒椰木蓮凍($62) - 木蓮凍外表同味道其實同涼粉差唔多，上面放滿椰果、小芋圓、芒果肉同芒果爽冰，賣相超吸睛。椰果口感QQ，小芋圓就比較有咬口，四色芋圓顏色非常繽紛。芒果酸甜度剛好。木蓮凍口感滑溜，糖漿唔會太甜。椰皇湯圓燉雙皮奶($69) - 湯丸燉雙皮奶係熱食，湯圓有三粒，內餡可以喺芝麻、抹茶、花生、榴槤同奶皇入面揀一款，我地就揀左奶皇。湯丸正常大細，湯丸皮唔會太厚，咬開中間嘅奶黃餡即刻流出黎，奶皇味幾香。下面嘅雙皮奶好滑好香奶味。總結，雖然落單同餐具紙巾都係自助，不過甜品款式都有特式同賣相幾靚，細心位係有飲用水提供。