PizzaExpress (東薈城名店倉) (已搬遷) 新店位置

今日同朋友行行吓東薈城shopping，行到有啲餓。又覺得好似好耐冇食Pizza咁，就上OpenRice睇吓有啲咩食啦，就搵咗呢間PizzaExpress。見到好多台都有叫一個焗麵包球，咁我哋都叫咗。佢就跟左兩個醬，一隻係牛油，一隻香草。我認為點左醬之後都好好食。主角當然係Pizza啦。咁我就同朋友揀咗蜜糖雞肉pizza，有晒一堆好好味嘅香料。例如羅勒、檸檬角、香濃意大利煙肉，咁樣再配合甜嘅蜜糖同埋雞肉，真係好正，係老少咸宜之選。