Fairy Tale Cafe (已結業)

身為大埔人，有新野一定要去試啦～我係平日4、5點去既，人唔多只係有d學生，雖然位置唔多，但好快就有位啦～點餐要去櫃檯點係有d麻煩，不過可能店主想大家欣賞牆上既介紹，了解完先叫餐啦～等食時可以傾下偈，因為真係要有d耐性等美食。雜誌介紹既抺茶西多士，賣相好靚，中間有d好似年糕既野，好「in un」，不過最好有3、4個人share，因為食到一半就好溜，覺得有d死甜。之前係尖沙咀食過一個唔好食既pancake,所以先入為主，覺得呢個都唔好食點知喜出望外。個邊邊脆脆，中間熱騰騰，配埋雪糕一齊食，一絕！值得一讚店主既心思，因為成間鋪既裝修都食具都配合番個店名，應該用左好多時間搜蘿👍