睿私房菜

營業中

休息中

今日嚟到位於銅鑼灣嘅睿私房菜食飯，餐廳位於馬場附近可以飽覽馬場嘅景色。食物方面，都係以中式為主，呢排佢仲有做晚市套餐添。酒香鮑魚鮑魚肉汁爽口彈牙，鮮味十足，仲有淡淡嘅酒香。咕嚕脆皮紫薯帶子帶子肉質又軟又滑，脆皮炸得非常香脆，完全唔會覺得好油膩。驚調味之後帶少少酸酸甜甜嘅味道，令人非常開胃。香芒斑球鍋巴斑球又厚又大塊，肉體彈牙，仲有魚嘅鮮味添。鍋巴入口係香脆嘅，配埋香芒斑球食，都幾襯喎。鮮人蔘碧綠炒羊片人蔘入口唔會覺得苦，肉片嘅份量又夠多，羊肉入口唔會有膻味。生炒安格斯牛崧飯安格斯牛入口牛肉味濃，成個飯都炒得好有鑊氣，粒粒分明，仲有少少蛋香添。招牌布甸布甸入口唔會覺得膩，調味亦都唔會太過甜，好易入口啊。整體來講，今餐嘅食物質素非常之唔錯，餐廳嘅地點又夠晒優越，我全餐都食得好享受下。