萬發海鮮火鍋菜館

營業中

休息中

🐮 黑椒薯仔牛柳粒 $138知道呢個係佢哋招牌菜所以特登叫，果然冇令到我地失望，依然保持到水準，薯仔外皮香甜焦脆，內裏軟熟，做到外脆內軟，牛柳粒冇任何筋，啖啖肉而且肉質結實，菜式除咗有黑椒味，亦有蒜香同蜜味，味道唔錯。🍲 石頭啫啫通菜煲 $78本身對通菜冇特別大興趣，欣賞佢地用石頭煲，能夠一直保持通菜溫度，而且配上蝦米同肉碎等材料令通菜煲口感更豐富，而且味道都幾濃郁，調味方面都做得幾好，唔會話死鹹。🦐 薑蔥粉絲蟹煲 $188鯊仔一直都係粉絲煲愛好者，粉絲煲都唔錯，蝦肉都算大隻，而且肉質唔散，肉質都算結實，如果加返更多調味，粉絲會更惹味，略嫌調味差少少，但整體都幾夠鑊氣。