辛手村 (已結業)

近年興起一陣干鍋風，係川菜菜既其中一種。特點係利用少量湯汁，再大火炒香各種食材，帶出麻辣鮮香。今日黎到旺角既《辛手村》。一直好想到訪，因為係門外已經被佢文青系既裝潢吸引，以木色為主，簡潔、光鮮、舒適。入面仲有唔少字畫添。係一班年青人既夢想店。入到內你會感受到佢地既殷勤而且謙卑有禮既服務態度。淨係呢點都贏。［傳統味干鍋 配 白飯］本身配料有土豆、娃娃菜、蓮藕。我哋額外加左豬頸肉同魚豆腐。麻辣味小辣，好香芝麻味，香口但唔覺油膩。尤其喜歡蓮蓬！切得薄薄，切邊少少脆，但口感煙韌，非常好味！魚豆腐都好好味！［串燒］- 辛手雞軟骨棒：大讚！啖啖肉之餘，又有脆卜卜既口感- 蜜糖爆蒜雞翼串：蜜糖味好香，燒到好香口好入味- 川燒翠玉瓜- 川燒厚切牛舌心：真係好厚身，口感一流［今晚打老虎 及 初心者］係由佢地調配既cocktail🥰前者好香葡萄味；後者係好香荔枝味，酒味亦較濃。兩杯都好好味。本身好想試埋個柚子冰粉，點知啱啱賣晒🥹🥹但整體都好滿足！大讚！💛💛