影片
更多
2017-06-17
69 瀏覽
3位好同事話想試下一啲連湯低都可以飲到嘅打邊爐，我上網就SEARCH咗呢間嚟試，不過呢度個地點對於駕車人士嚟講會比較適宜，我同啲同事落咗車之後穿過一系列嘅車房先到。不過一見到個鍋之後，又覺得咁辛苦嚟到都低返哂，將蟲草花同素翅混合一起，製造出金翅嘅視覺效果，我地第一眼見到真係嘩嘩聲! 菜料除咗頭先所講嘅蟲草花同素翅，其實佢地仲用咗杞子、瘦肉、同埋唔少得嘅老鴨，其實都已經煲到鴨肉都溶，個湯真係又甜又補，我地係打邊爐之前，飲咗一碗都唔夠，仲要飲多碗，四個人幾乎飲咗一大半湯，邊爐都打唔到，要人加湯。又值得一讚嘅係呢度嘅響鈴，完全係睇得出又食得出係店裡面製作，脆口，色澤吸引，唔係浸湯之前已經見到好「實的的」炸到實哂嘅口感，嚟到真係必叫。 呢度嘅竹笙仲係用上野生嘅竹笙，所以整條嘅口感好RICH ，而且又長又厚，拎嚟浸呢個金翅老鴨湯，真係一絕。同事們執意要叫呢個至尊牛三星，話貪佢樣樣牛都食到喎，呢個其實係包括咗本地手切牛頸脊、安格斯牛柳粒同埋極品牛舌芯，但係嚟到我地竟然見到第四樣野，就牛白肉，唔知點解多咗樣，我都無考究，同事話乜就乜啦~ 不過呢個唔知點解多咗嘅牛白肉，竟然成為我今晚嘅favor !
不過一見到個鍋之後，又覺得咁辛苦嚟到都低返哂，將蟲草花同素翅混合一起，製造出金翅嘅視覺效果，我地第一眼見到真係嘩嘩聲!
菜料除咗頭先所講嘅蟲草花同素翅，其實佢地仲用咗杞子、瘦肉、同埋唔少得嘅老鴨，其實都已經煲到鴨肉都溶，個湯真係又甜又補，我地係打邊爐之前，飲咗一碗都唔夠，仲要飲多碗，四個人幾乎飲咗一大半湯，邊爐都打唔到，要人加湯。
又值得一讚嘅係呢度嘅響鈴，完全係睇得出又食得出係店裡面製作，脆口，色澤吸引，唔係浸湯之前已經見到好「實的的」炸到實哂嘅口感，嚟到真係必叫。
呢度嘅竹笙仲係用上野生嘅竹笙，所以整條嘅口感好RICH ，而且又長又厚，拎嚟浸呢個金翅老鴨湯，真係一絕。
同事們執意要叫呢個至尊牛三星，話貪佢樣樣牛都食到喎，呢個其實係包括咗本地手切牛頸脊、安格斯牛柳粒同埋極品牛舌芯，但係嚟到我地竟然見到第四樣野，就牛白肉，唔知點解多咗樣，我都無考究，同事話乜就乜啦~
不過呢個唔知點解多咗嘅牛白肉，竟然成為我今晚嘅favor ! 真係好好食，入口漫漫油脂分泌係舌頭，而且相當爽口，又充滿牛味，但我明明唔見menu 有，大家想叫可以問下店家。
我有少少略嫌呢個M9和牛刺身有啲血淋淋同埋太大塊比較難入口，不過今晚做特價就無乜所謂。
佢嘅食法係大大塊嘅鮮牛肉，配上洋葱，再加上特製酸汁，雖然入口牛肉好有口感，同埋一啲生牛肉嘅難受感都無，但係由於太大塊，個感覺有少少茹毛飲血嘅感覺，希望下次店家可以切細一半同埋啲洋葱唔好放係上面，因為咁樣真係好難拎到啲牛肉架，又怕佢地跌咗落嚟。
食咗咁多靚野，我地每個人都係378埋單，其實我覺得真係幾抵，特別係同呢幾位同事吹下水，呻下工作上嘅野又一晚，聽朝又搏過!
張貼
