影片
更多
2021-04-16
52 瀏覽
上星期日同屋企人去一間高質素得來又唔貴嘅火鍋店—尚膳養顏滋補鍋。家人話呢度既尚膳養顏美人鍋一定要試，仲要係打邊爐前飲返碗，咁先試到最純正既清甜湯底。尚膳養顏美人鍋湯底食材好豐富足料，更係滋補養顏，有桃膠、烏雞杞子、南棗，等等其他藥材熬製。唔知係咪落左金華火腿熬製呢，飲落有啖啖鹹香味，令人好想encore。朋友中意食辣，叫左尚膳麻辣鍋，估唔到入面有幾舊鴨血，麻辣鴨血好滑嫩可口。如果食到辣既朋友，可以挑戰辣度高d，超爽嫁!!肉方面，叫左新鮮本地牛頸脊，細碟份量都唔少，我會放入湯底８秒度(店家建議10秒)，牛味濃超鮮嫩，雪花平均分佈，牛頸脊算厚肉，咬落有返咁上下嚼勁。老公中意食海鮮，特登叫左海鮮拼盤，開頭問店員海鮮拼盤有d咩，佢話唔定，總之會有六款唔同的新鮮。成個冰鎮海鮮拼盤上枱時好吸精，放得靚靚，海鮮一睇就知新鮮。蝦，白鱔片，鯇魚片，象拔蚌，珊瑚蚌，蟶子。我最中意肥美鮮甜既象拔蚌同肉質爽口彈牙既桂花蚌。另外，叫左其他火鍋配料，佢地既自家製手工餃子，手打滑，手工丸都值得一試。三款都係可以叫混款，各款味道兩粒，咩味道都可以試勻晒。手工丸中，黑松露蝦丸同芝心牛肉丸比較特別。手工餃子皮薄餡靚，手打
家人話呢度既尚膳養顏美人鍋一定要試，仲要係打邊爐前飲返碗，咁先試到最純正既清甜湯底。尚膳養顏美人鍋湯底食材好豐富足料，更係滋補養顏，有桃膠、烏雞杞子、南棗，等等其他藥材熬製。唔知係咪落左金華火腿熬製呢，飲落有啖啖鹹香味，令人好想encore。
朋友中意食辣，叫左尚膳麻辣鍋，估唔到入面有幾舊鴨血，麻辣鴨血好滑嫩可口。如果食到辣既朋友，可以挑戰辣度高d，超爽嫁!!
肉方面，叫左新鮮本地牛頸脊，細碟份量都唔少，我會放入湯底８秒度(店家建議10秒)，牛味濃超鮮嫩，雪花平均分佈，牛頸脊算厚肉，咬落有返咁上下嚼勁。
老公中意食海鮮，特登叫左海鮮拼盤，開頭問店員海鮮拼盤有d咩，佢話唔定，總之會有六款唔同的新鮮。成個冰鎮海鮮拼盤上枱時好吸精，放得靚靚，海鮮一睇就知新鮮。蝦，白鱔片，鯇魚片，象拔蚌，珊瑚蚌，蟶子。我最中意肥美鮮甜既象拔蚌同肉質爽口彈牙既桂花蚌。
另外，叫左其他火鍋配料，佢地既自家製手工餃子，手打滑，手工丸都值得一試。三款都係可以叫混款，各款味道兩粒，咩味道都可以試勻晒。
手工丸中，黑松露蝦丸同芝心牛肉丸比較特別。手工餃子皮薄餡靚，手打滑又彈又滑。雜菜拼盤ｄ蔬菜翠綠新鮮，放入美人鍋滾一滾更加清甜。
仲有小食，叫左鹵水拼盤，大腸，牛腱，牛肚。鹵水入味，加上外面有幾款前菜任食，可以叫返支啤酒慢慢嘆。
飲品方面，餐廳好好~現凡於社交平台讚好/打咭簽到，就可以有一杯杞子圓肉菊花露或寧神洛神花茶。就算係送都唔馬虎，飲品足料味道夠。
臨走仲有果盤同朱古力送
呢度環境好好，佈置有種古典簡約風，差不多每張桌子附近都有木屏，一來裝飾，二來可當作分隔屏風，提高私隱度。
如果多人，仲可以提前訂位，安排房間。餐廳都有party房，可以幫客人佈置埋，服務no.1。
張貼
