影片
更多
2021-04-14
1802 瀏覽
疫情關係都好耐無出街食飯，今日決定同朋友食我最愛既火鍋！呢間老闆火鍋冰室既裝潢充滿懷舊風味，加上色彩鮮艷既壁畫充滿活力。佢地有７款特色雞煲，同埋分別有１１款唔同既湯窩供選擇。真係好多都好想試，今次我地就叫咗個藥膳花雕醉雞鍋，個湯底一黎就即刻聞到好香嘅藥材加花雕酒味！見到有好多藥材同埋堅係成隻雞！雞肉清甜，絕對唔係冰鮮雞，每一啖都有淡淡既藥膳花雕香味～而且店員超貼心，食咗半隻雞就已經幫我哋換碟。配菜方面，佢地既牛脷托有勁香濃既牛味，咬落去爽口。而安格斯牛頸脊則較為軟身，牛味無咁濃，而且脂肪分佈平均。美國桶蠔超級大隻肥美，最重要係仲有濃濃既鮮蠔味！ 蟹子墨魚滑＆蟹子蝦滑一食就知新鮮，Ｄ滑既肉質彈牙，而且墨魚同蝦既味道都好出，一定無混合大量麵粉。大魚頭又係勁新鮮，花雕香味更能提升魚頭既鮮味，非常鮮甜！！只有中意食雞子既人先會明白花雕雞子既有幾正，雞子又大粒，煮到湯滲左系裡面之後，咬爆佢，Ｄ汁咇晒出黎！非常清甜！！另外，我地都叫左一Ｄ小食，呢個流口水臭豆腐係我食過全港最好食既臭豆腐！臭豆腐既精髓一定要有淡淡既臭味，食落去好香，仲要外脆內軟！而呢個墨魚脆炸油炸鬼都好香脆，面層鋪左滿滿的蟹子，口感
呢間老闆火鍋冰室既裝潢充滿懷舊風味，加上色彩鮮艷既壁畫充滿活力。
佢地有７款特色雞煲，同埋分別有１１款唔同既湯窩供選擇。真係好多都好想試，今次我地就叫咗個藥膳花雕醉雞鍋，個湯底一黎就即刻聞到好香嘅藥材加花雕酒味！見到有好多藥材同埋堅係成隻雞！雞肉清甜，絕對唔係冰鮮雞，每一啖都有淡淡既藥膳花雕香味～而且店員超貼心，食咗半隻雞就已經幫我哋換碟。
配菜方面，佢地既牛脷托有勁香濃既牛味，咬落去爽口。
而安格斯牛頸脊則較為軟身，牛味無咁濃，而且脂肪分佈平均。
美國桶蠔超級大隻肥美，最重要係仲有濃濃既鮮蠔味！ 
蟹子墨魚滑＆蟹子蝦滑一食就知新鮮，Ｄ滑既肉質彈牙，而且墨魚同蝦既味道都好出，一定無混合大量麵粉。
大魚頭又係勁新鮮，花雕香味更能提升魚頭既鮮味，非常鮮甜！！
只有中意食雞子既人先會明白花雕雞子既有幾正，雞子又大粒，煮到湯滲左系裡面之後，咬爆佢，Ｄ汁咇晒出黎！非常清甜！！
另外，我地都叫左一Ｄ小食，呢個流口水臭豆腐係我食過全港最好食既臭豆腐！臭豆腐既精髓一定要有淡淡既臭味，食落去好香，仲要外脆內軟！
而呢個墨魚脆炸油炸鬼都好香脆，面層鋪左滿滿的蟹子，口感一流！
而佢地既飲品偏向手作茶，我就叫左杯凍檸檬冬瓜茶，味道唔錯又唔會太甜。 睇佢地既裝潢我以為價錢都唔平，但原來一Ｄ都唔貴，而且真材實料，選材新鮮。
張貼
