影片
更多
2023-07-02
2403 瀏覽
想嘆住維港景食巧手精緻菜式，中環ifc mall嘅餐廳確實係唔錯嘅選擇。今次嚟到被譽為名人飯堂嘅國金軒，一嚐其招牌粵菜。當中乳豬鵝肝醬窩巴相當有驚喜 餐廳樓底好高，加上一整排落地玻璃窗，維港景緻盡收眼簾，更設三間擁有海景嘅私人廂房▪️西班牙黑豚叉燒皇 $390黑豚叉燒偏瘦帶點爽彈口感，當咬到肥膏位，都能感覺到其油香。入口甜度適中，帶點焦香。 ▪️乳豬鵝肝醬窩巴 $498/四件乳豬片薄脆富油香，中間夾左自家製軟滑鵝肝醬，加上窩巴 口感形成強烈對比。三層一齊食，鵝肝味雖然唔算特別岀眾，但其甘香成功令成個味道更rich。特別欣賞薄薄一層嘅桂花蜜同紫蘇葉，味道清香，可以一解其油膩感之餘，亦令味道層次更為豐富。 ▪️水晶大蝦球 $380/位經典水晶大蝦球賣相精緻如花，雪白晶瑩。火喉岩岩好！蝦球爽滑彈，鮮甜重蝦味，唔洗蘸醬都咁好食 ▪️焗釀鮮蟹蓋 $380/位中菜府必食手工名菜！表面焗得酥脆，蟹蓋塞滿鮮甜蟹肉，感覺上無平時嘅咁膩。一大加分位絕對係大廚特別調製嘅意大利黑醋！比起平時嘅杰身無咁酸，配埋蟹肉鮮味更突。黑醋自帶甜味，直頭好味到可以就咁飲
餐廳樓底好高，加上一整排落地玻璃窗，維港景緻盡收眼簾，更設三間擁有海景嘅私人廂房
▪️西班牙黑豚叉燒皇 $390
黑豚叉燒偏瘦帶點爽彈口感，當咬到肥膏位，都能感覺到其油香。入口甜度適中，帶點焦香。
▪️乳豬鵝肝醬窩巴 $498/四件
乳豬片薄脆富油香，中間夾左自家製軟滑鵝肝醬，加上窩巴 口感形成強烈對比。三層一齊食，鵝肝味雖然唔算特別岀眾，但其甘香成功令成個味道更rich。特別欣賞薄薄一層嘅桂花蜜同紫蘇葉，味道清香，可以一解其油膩感之餘，亦令味道層次更為豐富。
▪️水晶大蝦球 $380/位
經典水晶大蝦球賣相精緻如花，雪白晶瑩。火喉岩岩好！蝦球爽滑彈，鮮甜重蝦味，唔洗蘸醬都咁好食
▪️焗釀鮮蟹蓋 $380/位
中菜府必食手工名菜！表面焗得酥脆，蟹蓋塞滿鮮甜蟹肉，感覺上無平時嘅咁膩。一大加分位絕對係大廚特別調製嘅意大利黑醋！比起平時嘅杰身無咁酸，配埋蟹肉鮮味更突。黑醋自帶甜味，直頭好味到可以就咁飲
張貼
