諸勝堂

營業中

休息中

經開上環入咗去間茶記食Tea，朋友大大力推介，話性價比高喎🤣 先要咗個自家製蟹籽醬三文治，配料方面除咗有雞蛋、蟹子醬同生菜之外，主菜可以選擇要蟹柳、豚肉腸、叉燒或五香肉丁。份量好大，超級厚身，蛋唔乾，味道出，麵包微微烘過，咬落脆身，搭配蟹子醬好好味。另外要咗個招牌嘅印尼雙撈麵，配炒日本滑蛋同肉眼豬扒。好有驚喜，撈麵軟硬度適中，唔鹹，感覺健康、滑蛋真係好滑，豬扒厚身，入口超嫩，啖啖肉。飲品要咗熱鮮薑汁奶茶同檸樂煲薑，出面比較少見，飲落順滑，值得一試。