影片
更多
2023-03-14
139 瀏覽
我同朋友一直都鍾情於印度菜，趁着朋友生日，就帶佢嚟2009-2020榮獲米芝蓮推介既Bombay dreams 食晚餐。餐廳環境舒適，裝修精緻，擺放左唔同嘅印度特色擺設，非常有氣派。另外更設有獨立包廂，適合一大班人聚餐。落完單冇耐，店員就送上一個餐前小食，係一個炸麵包配酸酸甜甜的醬汁，幾開胃。Vegetable Samosa咖喱角一共有四件，外皮炸得酥脆夠晒熱辣辣，入面係薯仔蓉同埋豆，味道香濃，帶少少辣，點埋旁邊酸甜嘅醬汁，食落冇咁膩。Bombay Chilgoza Prawn炸蝦大大隻，炸得鬆脆香口，啖啖蝦肉，彈牙新鮮，配埋酸辣嘅醬汁，味道更豐富惹味。Chicken Makhni咖喱雞嘅醬料係由新鮮蕃茄、牛油、忌廉同埋胡蘆巴，第一次食呢一款咖喱，味道香濃得黎帶少少蕃茄嘅酸味，食落特別開胃唔會漏，好啱點薄餅食。Garlic Naan薄餅厚薄適中，口感煙韌軟熟，而且好香蒜蓉味。Amritsari Kulcha薄餅中間夾住洋蔥、薯仔、芫荽、辣椒，口感幾豐富，而且好香薯仔同洋蔥嘅甜味。Bombay Jamun有少少似係浸咗糖水嘅鮮奶麵包球，口感軟糯，冇想像中咁甜，個人係幾鍾意KulfiSaf
餐廳環境舒適，裝修精緻，擺放左唔同嘅印度特色擺設，非常有氣派。另外更設有獨立包廂，適合一大班人聚餐。
落完單冇耐，店員就送上一個餐前小食，係一個炸麵包配酸酸甜甜的醬汁，幾開胃。
Vegetable Samosa
咖喱角一共有四件，外皮炸得酥脆夠晒熱辣辣，入面係薯仔蓉同埋豆，味道香濃，帶少少辣，點埋旁邊酸甜嘅醬汁，食落冇咁膩。
Bombay Chilgoza Prawn
炸蝦大大隻，炸得鬆脆香口，啖啖蝦肉，彈牙新鮮，配埋酸辣嘅醬汁，味道更豐富惹味。
Chicken Makhni
咖喱雞嘅醬料係由新鮮蕃茄、牛油、忌廉同埋胡蘆巴，第一次食呢一款咖喱，味道香濃得黎帶少少蕃茄嘅酸味，食落特別開胃唔會漏，好啱點薄餅食。
Garlic Naan
薄餅厚薄適中，口感煙韌軟熟，而且好香蒜蓉味。
Amritsari Kulcha
薄餅中間夾住洋蔥、薯仔、芫荽、辣椒，口感幾豐富，而且好香薯仔同洋蔥嘅甜味。
Bombay Jamun
有少少似係浸咗糖水嘅鮮奶麵包球，口感軟糯，冇想像中咁甜，個人係幾鍾意
Kulfi
Saffron
印度雪糕俾一般雪糕厚實少少但不失幼滑，揀咗藏紅花味道嘅醬，甜甜地幾特別。
Mango Lassi
奶昔質感細滑，幾杰身，芒果味香甜。
Rose Lassi
比起mango Lassi ，呢杯相對地冇咁杰身，yogurt味再重d，有淡淡既玫瑰花香味。
張貼
