FLIPPER'S (已結業)

星期三放工8點左右黎到，依然有人龍，好彩排左半個鐘就可以入座！3個人被安排了一張圓檯，唔需要搭檯，坐得幾闊落舒服～點左三款pancake，首先登場嘅係煙肉煎蛋pancake，pancake 較薄而且乾，好彩配合埋太陽蛋蛋黃漿balance返，味道還可以原味梳乎厘pancake梳乎厘pancake三塊大大舊好豐滿，急不及待要放入口，軟綿綿嘅質感充滿蛋香，cream淡淡奶油味，唔會太濃搶過pancake味道，正！榛子朱古力焦糖香蕉pancake焦糖香蕉賣相好吸引，食落卜卜脆又甜甜地，pancake配搭朱古力同榛子味嘅cream又係另一種美味！呢度嘅梳乎厘pancake無論質感同味道都好有水準，小妹就比較鐘意原味梳乎厘pancake，簡簡單單唔花巧，能夠食出完美嘅原味道！