叉燒大王

營業中

休息中

上次去沙田圍食日本野，經過一間賣叉燒既餐廳好多人食，所以星期五晚想出街食就專程黎試下。入座時我地算比較早到，唔駛等位，但食食下就見到坐滿哂，好彩黎得早。專程黎到，梗係要試吓佢呢度最出名嘅叉燒，八十八蚊有個例牌，都幾大碟，兩個人夠食有餘之外，最重要既就係叉燒肥瘦適中，每舊斬得黎有份量但入口又要唔洗用力咬，蜜糖汁好香入晒味。天氣寒冷，揀左個鐵板黑椒牛仔骨，鐵板上冇咁快凍，上台先「渣渣」聲香氣撲鼻，黑椒味濃配搭啲紅椒青椒岩岩好，牛仔骨都幾多肉唔會好肥。叫咗兩個肉，點都要叫返個菜，就揀咗金銀蛋豆苗，好大碗，豆苗好鮮甜。鹹蛋皮蛋撈飯食好夾。兩個人叫三個餸一人一碗飯真係夠晒數，食到好飽。餐廳除左堂食，仲有個外賣部，見到好多人幫襯，個個都斬料返屋企加餸。