夏麵館 (寶石大廈) (已結業)

呢幾日食得有啲熱氣, 突然想食啲湯湯地嘅嘢但難得放長假, 又唔想頹食, 於是就揀咗呢間上海菜-夏麵館<哆唻咪>大家可能對哆唻咪呢道菜唔係好熟悉, 簡單來講就係蟹黃混合蟹粉, 在加入蝦仁口感濃稠, 味道鹹鹹地, 但又食得出蟹粉同蝦仁嘅鮮味係一道非常特別嘅菜式<鎮江水晶肉>天氣有啲熱, 想食啲凍嘢, 所以嗌左份鎮江水晶肉但有啲失望, 夏麵館嘅鎮江水晶肉味道有啲淡, 肉嘅成份都偏少<鮮肉小籠包>大食妹同朋友都嗌左食上海菜必食嘅鮮肉小籠包可惜同樣有少少失望, 小籠包外皮偏厚, 但正宗嘅小籠饅頭外皮都係咁厚, 應該係門派關係而且裏面都冇咩肉汁, 普普通通<上海擔擔麵>主食方面我哋嗌左上海擔擔麵擔擔麵麵質彈牙, 都算掛湯肉碎唔係好多, 但都可以接受湯頭啱啱好, 唔會過濃好難攪拌, 亦唔會過淡<高力豆沙>食完晚飯, 再食多份高力豆沙就最圓滿啦夏麵館嘅高力豆沙值得一讚嘅係即叫即炸, 超級熱辣辣外面灑上糖霜, 望落就超有胃口, 如果多番少少豆沙就更好啦