燒洒一族

營業中

休息中

之前返工放lunch已經試過佢哋嘅豬手飯同酒醉系列 真係好驚喜又抵食 今次好榮幸有機會同佢地合作 送出佢哋嘅招牌酒醉系列俾大家試吓💓小店主打燒豬手、燒春雞、燒雞髀等 價錢又便宜 而且各區都有唔同嘅分店 啱晒我呢啲平時唔煮飯嘅懶人🙈好推薦酒醉嘅系列 選擇種類都好多 全部都用密封盒裝住 平時放喺雪櫃 一拎出黎就可以食 方便又岩晒我呢啲懶人 買兩盒仲可以減$5🥰 花雕酒味香濃 令到食材非常入味 個人最愛佢嘅雞軟骨 爽口入味 一粒粒食唔停口😍🐷招牌燒豬手 佢哋嘅招牌豬手真係每個人過嚟都會買🥰唔使$100已經好大份 豬手嘅外皮燒到金黃色 卜卜脆得泥咬落好鬆化 外脆內軟 鹹香味十足 拎上手熱辣辣🔥