影片
更多
2024-04-09
102 瀏覽
安格斯牛肉眼扒🥩（$168）牛扒嗌咗七成熟，上到嚟又真係七成熟🤣想讚吓師傅功力幾好😆牛扒用牛油煎過，肉質幾好，唔柴亦都唔會咬唔郁。呢個價位嚟講真係幾抵食👍🏻推薦推薦!!溫泉蛋卡邦尼意大利粉🍝（$68）意粉都煮得幾好，唔會太腍😋意粉嘅質感偏黏口，所以可以黐晒啲醬汁，芝士味亦都好足夠，內餡豐富（煙肉，蘑菇）基本嘢都有，而且俾得幾多👍🏻唔該司機調味都啱啱好，呢個都做得幾出色🫰🏻🤍奇脆炸薯條配雙色芥末醬（+$38）薯條炸得外脆內軟，配上三隻醬料，鍾意食薯條嘅朋友仔可以叫😆美式水牛城雞翼（2隻）（+20）雞翼方面都比較大隻，不過調味方面就唔太似水牛城，比較多茄汁味，食唔到辣嘅朋友都食到🤣紐約芝士蛋糕🧁（+38）呢個芝士蛋糕有驚喜，唔同坊間芝士蛋糕食得多會好膩，佢有用鹽味中和到，食到最後都食得晒👍🏻推薦推薦牛角窩夫伴雪糕（+28）是日MVP🌟窩夫上到嚟嗰陣都仲係好脆，夾埋個朱古力雪糕，真係好好食！提拉米蘇（$48）用個玻璃樽裝住好靚，味道方面就正常，唔會太甜，鍾意食Tiramisu嘅朋友都可以嗌~整體嚟講，呢間呢間餐廳雖然唔大，舖頭得10張枱左右。但係廚師好認真煮嘢食，食物出到嚟又真係幾好食。好適
牛扒嗌咗七成熟，上到嚟又真係七成熟🤣想讚吓師傅功力幾好😆牛扒用牛油煎過，肉質幾好，唔柴亦都唔會咬唔郁。呢個價位嚟講真係幾抵食👍🏻推薦推薦!!
溫泉蛋卡邦尼意大利粉🍝（$68）
意粉都煮得幾好，唔會太腍😋意粉嘅質感偏黏口，所以可以黐晒啲醬汁，芝士味亦都好足夠，內餡豐富（煙肉，蘑菇）基本嘢都有，而且俾得幾多👍🏻唔該司機調味都啱啱好，呢個都做得幾出色🫰🏻🤍
奇脆炸薯條配雙色芥末醬（+$38）
薯條炸得外脆內軟，配上三隻醬料，鍾意食薯條嘅朋友仔可以叫😆
美式水牛城雞翼（2隻）（+20）
雞翼方面都比較大隻，不過調味方面就唔太似水牛城，比較多茄汁味，食唔到辣嘅朋友都食到🤣
紐約芝士蛋糕🧁（+38）
呢個芝士蛋糕有驚喜，唔同坊間芝士蛋糕食得多會好膩，佢有用鹽味中和到，食到最後都食得晒👍🏻推薦推薦
牛角窩夫伴雪糕（+28）
是日MVP🌟窩夫上到嚟嗰陣都仲係好脆，夾埋個朱古力雪糕，真係好好食！
提拉米蘇（$48）
用個玻璃樽裝住好靚，味道方面就正常，唔會太甜，鍾意食Tiramisu嘅朋友都可以嗌~
整體嚟講，呢間呢間餐廳雖然唔大，舖頭得10張枱左右。但係廚師好認真煮嘢食，食物出到嚟又真係幾好食。好適合喺度靜靜地傾吓偈，食吓好嘢，飲杯咖啡！重點係價錢合理，雞髀覺得幾抵添🤣
張貼
