影片
更多
2023-05-16
522 瀏覽
茶木‧台式休閒餐廳經過尖沙咀行iSQUARE廣場，行行下肚餓見到6樓有茶木，見好耐無食就入去食返，睇下咁多年個味道有無變先！依家可以用QR code或傳統店員落單叫野食，有d野食手機叫唔到，所以我就用哂兩種方式落單啦！1.青醬奶油雞排九層塔手作麵$88（9/10）呢個手作麵好滑好淋又少少彈牙，我估加咗好多奶油先咁滑，雞排肉質好嫩滑，再加咗櫻花蝦、秀珍菇同蘑菇，幾好味！2.路邊攤小食$67+肉燥飯$18 配黑糖珍珠奶茶（8.5/10）呢個路邊攤小食入面有4舊鹽酥雞排，6舊台灣烤香腸，2粒鹽酥福州魚蛋。雞排炸到有肉汁，台灣腸就肥咗少少，2粒鹽酥福州魚蛋有驚喜，魚蛋內有豬肉，小心熱兼爆汁！仲有就係可以另加18蚊有肉燥飯，飯量下午茶嚟講算啱啱好，再免費配埋黑糖珍珠奶茶就掂哂，奶同茶無互相搶，珍珠好煙韌無硬心，奶茶夠香滑又唔會好甜！3.古早味三杯中卷$74（9/10）呢個入面有大約有11舊魷魚，魷魚爽口彈牙，唔會似其他店咁煮到似橡筋，加埋蒜頭一齊食超好味！4.金黃鹽酥雞$68（8/10）呢個鹽酥雞大約有20舊雞塊，炸到雞塊好有肉汁，好鬼死脆，肉質又唔會乾身，好好味！5. 巧克力曲奇蜜糖磚塊68（
經過尖沙咀行iSQUARE廣場，行行下肚餓見到6樓有茶木，見好耐無食就入去食返，睇下咁多年個味道有無變先！
依家可以用QR code或傳統店員落單叫野食，有d野食手機叫唔到，所以我就用哂兩種方式落單啦！
1.青醬奶油雞排九層塔手作麵$88（9/10）
呢個手作麵好滑好淋又少少彈牙，我估加咗好多奶油先咁滑，雞排肉質好嫩滑，再加咗櫻花蝦、秀珍菇同蘑菇，幾好味！
2.路邊攤小食$67+肉燥飯$18 配黑糖珍珠奶茶（8.5/10）
呢個路邊攤小食入面有4舊鹽酥雞排，6舊台灣烤香腸，2粒鹽酥福州魚蛋。雞排炸到有肉汁，台灣腸就肥咗少少，2粒鹽酥福州魚蛋有驚喜，魚蛋內有豬肉，小心熱兼爆汁！仲有就係可以另加18蚊有肉燥飯，飯量下午茶嚟講算啱啱好，再免費配埋黑糖珍珠奶茶就掂哂，奶同茶無互相搶，珍珠好煙韌無硬心，奶茶夠香滑又唔會好甜！
3.古早味三杯中卷$74（9/10）
呢個入面有大約有11舊魷魚，魷魚爽口彈牙，唔會似其他店咁煮到似橡筋，加埋蒜頭一齊食超好味！
4.金黃鹽酥雞$68（8/10）
呢個鹽酥雞大約有20舊雞塊，炸到雞塊好有肉汁，好鬼死脆，肉質又唔會乾身，好好味！
5. 巧克力曲奇蜜糖磚塊68（10/10）
呢個甜品遞上枱份量大到唔敢相信，三層多士上面有雪糕、巧克力醬同曲奇餅碎，多士外脆內軟，點住雪糕嚟食簡直一流，旁邊個士多啤梨就唔酸，有4舊半粒，呢個超滿足甜品起碼最少足夠2人或以上嘅人食！
2人總共價錢$421，有加一服務費！
個人口味總評分：8.9/10
地址：尖沙咀彌敦道63號iSQUARE國際廣場6樓603號舖
張貼
