光榮冰室 (厚福街) (已結業)

光榮冰室係尖沙咀血拼完，又好肚餓，唯有食平d啦。咁行到厚福街見到光榮冰室就入去啦。餐廳都係普通茶記格局，地方比較逼夾少少。由於今日體力勞動實在太大，咁我就叫咗2樣嘢質飽自己。火腿巨型奄列本身諗住gimmick黎既姐，奄列可以有幾大隻。一上枱我就認輸了，原來真係可以咁太隻。奄列應該有2隻手板咁長，外表睇落好似好乾身，但夾先發覺入面原來仲好嫩滑，滲出少少蛋汁，食落算滑溜。而入面放既火腿亦都非要慷慨，啖啖都係滿滿既蛋同火腿，十分滿足。正常食量既人應該一隻就食得飽！葱油雞扒飯過咗無耐，葱油雞扒飯都上枱了。雞扒非常大塊，而且個皮烈得好香好脆。肉質方面就有少少結實，可能overcook咗少少。但成個飯既主角絕對係葱油！葱既份量都算多(可以再多少少), 配埋鼓油同白飯，簡單得黎又好食。