A8's Cafe (已結業)

今次約埋三五知己喺大埔《A8‘s Cafe》開餐，我哋被安排坐四人卡位位置。餐廳裝修以木為主，設計簡約而舒適，而且鋪頭位於當眼位置，過咗十字大馬路就見到。餐牌有多種食物選擇，而且食物圖片非常吸引。小食方面叫咗炸雞中翼配蜜糖芥末醬，一份有四隻，炸得非常香脆可口，食落去肉質鮮嫩，非常滋味。有個朋友突然間好想食全日早餐，我哋就叫咗B款系列，套餐跟一件牛角包，飲品就叫咗熱柚子蜜。全日早餐嘅炒蛋炒得好香滑，食落去非常Creamy。店員推介之下叫咗一份招牌蜜糖芥末焗德國鹹豬手，賣相引人入目，好大隻，即刻炸好咗嘅鹹豬手放在木板上面，新鮮出爐。朋友即刻切開數件，外皮連埋肉一齊食，簡直係外脆內軟嘅口感，再點小小芥茉醬，好正。除此之外，另再點了漢堡同埋意大利飯等等嘅食物，食完都已經非常飽肚滿足。最後四個人埋單都只係五百幾蚊，價錢合理，食物質素高，即叫即整，非常新鮮。