堅信號上海生煎皇 (形點 II)

營業中

休息中

老媽子想食生煎包而佢又未食過堅信號，於是就帶佢黎試下。我地叫左：生煎包2隻、雞絲粉皮、上海粗炒、酸辣湯同凍熱豆漿各一。生煎包個底煎得夠脆，裏面湯汁好多，一咬即爆汁，請左我頭髮飲左啖湯😅在我黎講生煎包係好味嘅，但要求高嘅老媽子食完就話味道係OK，但食得出個包係包好左一段時間先攞去煎，我自己就食唔出😂(但我好明白而家真係好難有店可以做到即點即包即煎)身為配角嘅雞絲粉皮老媽子就盛讚粉皮唔會好厚夠爽口，不過麻醬就少左啲。上海粗炒都好食，麵條夠煙靭，唔算太油，可惜老媽子唔鍾意食回鍋肉粗炒，好想食回鍋肉😔最後個酸辣湯聞落去有陣輕微𤓓味😑雖然飲落去又冇咩問題。好在呢度嘅湯唔係好杰果隻，好怕飲到啲杰到爆嘅酸辣湯，如果味道可以再酸啲辣啲就好。