麗澄軒 (已結業)

長沙灣新開川粵菜，老闆娘係四川人，所以川菜口味正宗。但同時亦會迎合香港人口味，有唔同辣度可供選擇，可以揀唔辣、bb辣、小/中/大辣。就算唔係好食得辣嘅人都可以享受川菜嘅滋味。餐牌上選擇好多，由涼菜、四川小炒、雞煲，至到唔辣嘅粵菜都有。重慶酸菜魚有得揀細或大，我哋兩個人所以揀細。以新鮮鱸魚去骨起片，魚片大塊厚肉而且好滑溜食落完全無魚骨，魚片份量多足夠2-4人食。配料好豐富有紅薯寛粉、豆卜、白蘿蔔同秀珍菇，寛粉口感煙韌吸晒酸菜魚湯好好味霸王辣子雞一上枱就聞到好香麻辣味帶骨雞丁炸得香脆乾身，但內裡仍然嫩滑。乾辣椒嘅辣加埋花椒嘅麻好惹味總括嚟講食物質素高，雖然只係嗌bb辣但都好香麻辣味，而且唔會太重口味，食完唔會口渴店員有禮，餐廳環境幾好，冷氣充足坐得舒服。