影片
更多
2022-09-05
91 瀏覽
星期日家庭日，同爸媽姐姐去食好西，揀咗嚟呢間尖沙咀嘅火鍋店，因為呢排見成日有人post火焰鮮椰青雞鍋，好吸引，想來試咗好耐。我哋四個人叫咗兩款湯底。招牌鮮椰青雞鍋首先當然係要點招牌鮮椰青雞鍋。侍應先炒香材料，材料有椰子雞件，杞子等，炒香後侍應便淋酒，呢個時候相機就要準備好，影打卡相，啲火焰真係好勁，之後侍應便將原個椰青水倒進鍋裏，再加入濃郁雞湯，開火再煲一陣，就完成咗呢個湯底。即刻飲返碗靚湯，個湯有濃厚雞味，再加上椰青水，好清甜。胡椒豬肚花膠雞鍋呢個湯底好有驚喜，真材實料，湯底裏面有勁多酸菜同豬肚，胡椒味好夠。估唔到嘅係有一大碟雞同五六件大大件嘅花膠，有差不多有大半隻雞，好抵食。啲花膠我哋一早請播放晒落湯底入面慢慢煲，火鍋食到後期時才食花膠，花膠好淋而且入晒味，都幾厚身。胡爐牛拼盤有五款牛肉，包括極上手切牛頸脊，牛胸爽，牛舌芯，霜降牛粒，安格斯手切肥牛。全部都好新鮮，我最鍾意霜降牛粒，安格斯手切肥牛。霜降牛粒要烚耐少少時間，充滿牛味，同埋牛脂油香味，而且好淋。安格斯手切肥牛比一般肥牛厚身，烚大概10秒就食得，冇得輸 。餃子拼盤有三款餃子，有鮮蝦雲吞， XO醬帶子餃，黑松露餃。鮮蝦雲吞啲
我哋四個人叫咗兩款湯底。
招牌鮮椰青雞鍋
首先當然係要點招牌鮮椰青雞鍋。侍應先炒香材料，材料有椰子雞件，杞子等，炒香後侍應便淋酒，呢個時候相機就要準備好，影打卡相，啲火焰真係好勁，之後侍應便將原個椰青水倒進鍋裏，再加入濃郁雞湯，開火再煲一陣，就完成咗呢個湯底。即刻飲返碗靚湯，個湯有濃厚雞味，再加上椰青水，好清甜。
胡椒豬肚花膠雞鍋
呢個湯底好有驚喜，真材實料，湯底裏面有勁多酸菜同豬肚，胡椒味好夠。估唔到嘅係有一大碟雞同五六件大大件嘅花膠，有差不多有大半隻雞，好抵食。啲花膠我哋一早請播放晒落湯底入面慢慢煲，火鍋食到後期時才食花膠，花膠好淋而且入晒味，都幾厚身。
胡爐牛拼盤
有五款牛肉，包括極上手切牛頸脊，牛胸爽，牛舌芯，霜降牛粒，安格斯手切肥牛。全部都好新鮮，我最鍾意霜降牛粒，安格斯手切肥牛。霜降牛粒要烚耐少少時間，充滿牛味，同埋牛脂油香味，而且好淋。安格斯手切肥牛比一般肥牛厚身，烚大概10秒就食得，冇得輸 。
餃子拼盤
有三款餃子，有鮮蝦雲吞， XO醬帶子餃，黑松露餃。鮮蝦雲吞啲蝦肉爽口彈牙， XO醬帶子餃微辣，好惹味。黑松露餃好香。
丸類拼盤
有芝心鮮蝦丸，黑松露墨魚丸，墨魚丸，牛肉丸。芝心鮮蝦丸好好味，鮮蝦丸爽口彈牙，入面芝士流心，鹹香鹹香。牛肉丸有啲似飲茶嘅山竹牛肉。墨魚丸真材實料，充滿墨魚味，唔會成口肥豬肉。
蔬菜拼盤
有油麥菜，唐生菜，白菜，娃娃菜及水蓮，全部都好新鮮乾淨，放入湯底吸入湯汁超正。
老友鬼鬼
呢款小食係脆炸咗嘅油炸鬼上面鋪咗蝦膠，咬落去油炸鬼卜卜脆，蝦膠爽滑彈牙，沾上少少泰式酸辣醬，非常好吃，令人一口接一口。
黃金炸魚皮
魚皮新鮮炸起，上面佈滿鹹蛋黃醬，超好吃，鹹蛋黃起沙，好甘香，鹹香鹹香，呢款小食夠晒邪惡。
總括而言，今餐我哋都好滿意，雖然價錢唔平，但係物有所值，全部食物都好有質素，特別係個湯底，真材實料。
張貼
