德發粥品專家

營業中

休息中

星期日晚喺荃灣搵食，難過登天，間間都大排長龍，於是把心一橫，走咗去食粥。德發係通宵營業嘅傳統粥店，雖然裝修老舊，但估唔到都幾注重衛生，溫度計搓手液一應俱全。一坐低，見到枱枱都有碟炸兩，就知係必食正品，再睇餐牌，一碟只賣十蚊😮，抵到冇朋友，即叫，另外再加碗艇仔粥。炸兩上枱，醬汁芝麻自己加，一啖入口，入面嘅油炸鬼熱辣辣脆卜卜，好新鮮，外面嘅腸粉雖然唔算好滑，但夠薄，配埋醬汁芝麻一齊食，非常滋味😋。至於碗艇仔粥，粥底夠綿，配料豐富（碎牛，土魷，豬皮，花生等），大大碗只賣十六蚊，又係抵到冇朋友😂。一路食，耳邊一路傳嚟阿姐喺砧板上面斬炸兩嘅聲音，一路冇停過，可想而知，炸兩有幾咁受歡迎，唔怪之得咁新鮮咁好食啦😁。