華小料理屋 (已結業)

最近情迷食和牛，晚市禁堂食就唯有中午去食返好啲啦，其實中午食好啲都有好處嘅，因為總比晚市平。今日特登黎位於登龍街既 @thehanahk 食和牛，佢地 lunch set 選擇多，最後揀咗日本A3和牛壽喜燒鍋 (HKD238) 同埋日本A3和牛網燒御膳 (HKD298)，一個套餐有晒前菜、湯、主食、甜品同埋餐飲添。佢哋嘅A3和牛真係冇得彈，油脂分布均勻，肉質好軟滑，入口有半溶感，壽喜燒仲會跟埋隻生蛋俾你，你可以用和牛直沾蛋食，因為我唔食生蛋所以就直接落左個鍋度。雖然兩個套餐都好正，但相比下我更推薦和牛網燒御，呢個套餐既和牛份量比較多，烤過既和牛味道更濃郁，香味在嘴中瀰漫不散，好惹味啊！呢個價錢真係好低，食晒成碗飯之後仲剩幾塊牛添。甜品亦唔馬虎，佢哋嘅北海道牛乳布甸奶味濃之餘質感亦超順滑，好滿足啊！