大都淮揚中菜 (已結業)

朋友早幾日係灣仔「大都淮揚中菜」食大閘蟹，話宜家係食大閘蟹的季節，蟹膏非常豐厚、甘甜 所以今日約同事去灣仔，食番餐季節限定的大闤蟹 餐廳地方寛濶，用膳環境非常舒適，同時，每位服務員服務慇勤有禮，都值得加分 套餐方面，大閘蟹套餐每位＄498，茶介加一已全包，大閘蟹有三隻（2皇1后），另有冷盤、湯、熱食、甜品，仲每人有一杯餐飲～陳年雕皇／橙汁 餐飲，陳年雕皇～微暖，入口甘醇，帶有細緻甜味，大閘蟹必配的酒 先上一份生果，入口清甜爽脆，大大打開口腔味蕾 冷盤~燈影魚片，冰宮肴肉 魚片切成薄薄一片，脆炸後呈現金黃透薄，加上醬汁甜味同芝麻香味，份外香脆可口肴肉，淮楊菜系必有的，肴肉色澤透明，口感細嫩，咸淡適中 蟹粉小籠包~湯鮮質濃，皮薄加上鮮味蟹香，一口咬開，湯汁的濃濃鮮味撒開，味蕾得到大大滿足 雪燕菊花豆腐～入口鮮美清甜，雪燕加上廚師刀工（豆腐切成菊花形狀），令平凡豆腐變成上等湯 清蒸大閘蟹～會先上1皇1后（餘下一隻通知才送上）蟹腳呈黃色金爪，雄蟹蟹膏入口細膩柔滑，鮮香濃郁，雌蟹蟹黃結實，口感豐富，甘甜無比 食過蟹後，服務員會送上一杯甜薑茶，暖暖胃，驅驅寒，清清味蕾 雪紅鮮蝦～蝦肉彈牙