SupBurwich (已結業)

話說琴日返屋企途中經過呢間burger小店，咁啱見有啲肚餓就買個試吓順便當正餐～見到佢哋竟然有鵝肝漢堡🤩 對眼即時發光就揀咗呢個。加上坊間好多都會加埋牛肉喺個包入面，太油太heavy😣，而呢度嘅鵝肝堡係齋鵝肝，算係比較少見！由於都係行過即興買嚟食，完全冇預料過會係咁香濃滋味😱，出奇地好食！！松露Double鵝肝堡真係不得了😍，鵝肝稍微焦香，將油脂逼出💦 油香濃郁，口感綿密，肉質肥厚嫩滑🤤 個松露醬唔搶味之餘仲增強咗味道嘅層次👏🏻整體嚟講，我覺得呢間小店比起我食過同類型漢堡嘅連鎖店更高質素。而且$158呢個價錢嚟講，CP值爆晒燈，實在令我喜出望外🥰