御苑皇宴 (已結業)

黎過呢度飲宴，印象唔錯。今日主人家book枱再請食飯，又可以一試大廚手藝了。最難忘既係呢個梳乎里炒飯，完美結合左中西式主食同甜品。表面係一個焗到岩岩好既蛋白梳乎里，一打開，裡面係香噴噴既海鮮炒飯。淨係拎黎呃like都好吸引，更加值得欣賞既係，除左外表，味道都係好認真，非常好食！真正既色香味俱全。提提大家，想食呢個飯一定要前一日預定架！