拍板風味 (已結業)

今晚我們去咗何文田勝利道嘅「拍板風味」食晚飯！我們叫咗啫啫魚鰾煲嘅魚鰾非常爽脆嫩滑，醬汁嘅味道相當惹味，而且唔會有腥嘅味道！薑蔥魚雲煲嘅魚雲炸得好香脆，肉質好鮮甜嫩滑！涼瓜炆斑腩開頭以為係平日食開嘅斑腩，睇真啲原來係鯇魚腩嚟，肉質非常鮮甜彈牙！椒鹽田鷄外層嘅炸粉超香脆薄身，田鷄嘅肉質極之鮮甜同結實彈牙，加埋椒鹽同辣椒嘅香味，令到味道更加惹味香口，唔會有好油膩嘅感覺，而且份量十足，係本人嘅必食推介！