梅貴緣 (已結業)

唔止一個人同我講過梅貴緣嘅素食好好食，上星期終於有機會一試，果然名不虛傳。見到餐牌上面好多樣嘢都想食，但係一條友唔食得多，於是剩係叫咗一個炒飯同一碟小食。我問隔離枱兩位哥哥仔同再隔離枱嗰位姨姨，佢哋都不約而同猛讚個椒鹽豆腐好好食，於是二話不說先點咗呢個，另外再加碟香椿松子炒飯。椒鹽豆腐果然好得👍，外皮炸得勁香脆，入面就非常滑溜，仲有濃濃嘅豆味，配埋灑上嘅椒鹽，非常惹味，唔怪之得個個都讚不絕口。個炒飯一上枱，嚇咗我一跳，因為真係勁大碟😮，味道方面，雖然配料只係以粟米同松子為主，但係炒得香噴噴，除咗麻油香，仲有少少欖菜味，好正😋。我同店員姨姨講，兩樣嘢都好好食，佢笑住話：“我煮㗎！” 好可愛😆。姨姨見我咁 dry，仲送我一碗愛心靚湯，真係貼心又窩心🤗。