享慢煮意 (形點 I) (已結業)

今日同朋友食午餐 黎到元朗yoho mall嘅呢間享慢煮意 餐廳裝修高貴典雅 仲有好多自然光灑入室內 令人好放鬆 龍蝦湯流心牛角包 外皮焗得香脆 非常濃沃嘅牛油香氣 一切開香氣撲鼻嘅龍蝦湯即刻湧出嚟 非常creamy而且海鮮味濃郁 兩者好夾呀菲力嫩牛柳配自家牛肉汁 七成熟啱啱好 而且肉質軟淋一啲都唔韌 牛肉味濃郁 真空慢煮挪威三文魚柳忌廉意大利粉 三文魚柳生熟度啱啱好慢煮過非常嫩滑 鮮味十足 質感好似棉花咁細嫩呀 意大利粉索曬忌廉汁嘅味道十分邪惡玉桂蘋果流心牛角包 同樣地牛油味香濃 流心效果不及龍蝦湯 蘋果同肉桂味相映成趣 唔會太甜