玖子貴 (已結業)

貴子玖係一間日本地道嘅薩摩魚餅品牌，當佢初初嚮香港開分店嘅時候，就已經好想慕名試下佢嘅魚餅，但成日都無咗回事，今次終於成功打卡～大部分嘅小食都唔算好吸引，唯一吸引到我嘅就係流心蛋魚餅。唔好睇小呢隻流心蛋魚餅，佢係曾經榮獲鹿兒島縣地域特產品大賽第一名嘅小食，來頭一啲都唔細架～！魚餅外層輕輕一炸，添上咗一層薄薄金黃色嘅外觀，而內層就仍然保持住雪白嘅顏色。外層嘅魚餅魚味濃郁，連埋內層滷汁好入味嘅雞蛋，大大啖咬落去，食落完全唔覺油膩，而且口感仲好豐富，裡面金黃色嘅蛋汁流哂出嚟，睇見就即刻忍唔住要咬多啖～好味就好味，但價錢真係有啲偏貴～