烏蠅館 (永榮樓) (裝修中)

依一間嘅烤魚真係好好食，我特別推介佢嘅清江魚，因為佢嘅清江魚嘅細骨好少，基本上剩係得大骨，所以可以食到好爽，啖啖肉，而且肉質都頗為結實。而味道方面，我揀咗傳奇麻辣小辣，非常之香辣，亦都會有唔同嘅菇類作為配搭。飲品方面，我哋分別叫咗一杯藍天白雲，同埋哈密瓜鮮果茶。佢嘅哈密瓜鮮果茶裏，會有真嘅哈密瓜粒，而且仲可以加配其他配料，我今次就加配咗雪燕。而小食方面個人就覺得相對普通，所以比小食，我更加建議大家食佢嘅清江魚。